-->

الحسد يقتل ويمرض ويفرق

الحسد يقتل ويمرض ويفرق

مواقف كثيرة عن أسباب الحسد وكيفية الحذر منها 

 " الحسد " مرض من أمراض النفس، مرض غالب ،علشان كده بيتقال 
(ما خلا جسد من حسد ، لكن اللئيم يبديه، والكريم يخفيه) 

الحسد  هو أكثر الآفات المجتمعية لانه أكثر الآفات الطاقية والنفسية فى الإنسان 
تأثيرا الحاسد لا يقول "اريد ان احصل على ما حصل عليه فلان"
ولكنه تخطى هذه المرتبة الوضيعة الى مرتبة أوضع

وهى:- 

"لا أريد فلان ان يحصل على أى خير "
تخيلوا سواد القلب . جندى إبليسى مخلص .
( كل العداوة قد ترجى مودتها. إلا عداوة من عاداك عن حسد)  الإمام الشافعي
ناس كتير فاكره ان الحسد لا يؤثر ذي السحر والعكس صحيح الحسد اشد واكثر 
ضررا من السحر واكثر انتشارا.

*نزلت صورتها على الواتساب هي وجوزها بعد ما رجعوا من المصيف " 
وكتبت أيام جميلة يارب تتكرر دايمًا " تاني يوم حصلت خناقة بينهم بدون أسباب ووصلت للطلاق! 

*واحد بيحكي لما مرته كانت حامل جاب لها فيتامين غالي شويه ، واحدة شافت 
الفيتامين قالت لها " الولد هينزل يمشي " الولد نزل وعنده إعاقة وتشنجات 
وقبل الشهر الخامس توفاه الله!

*بتحكي بتقول صديقتي راحت مرة مصيف ، قبل ما توصل جالها اتصال من 
جيرانهم " يابختك جوزك مدلعك"

قبل ما يوصلوا بــ 40 كيلو العربية اتقلبت بيهم. 
- ‏اللهم ارزقنا حسن النوايا واحفظنا بحفظك ‏العظيم .
•يقول الرسول صلى الله عليه وسلم (أكثر من يموت من أمتي بالنفس يعني 
بالعين بعد كتاب الله وقضائه)
- وفي الصحيحين عن أنس بن مالك رضي الله عنه أن النبي صلى الله عليه 
وسلم قال: {لا تحاسدوا ولا تباغضوا؛ ولا تدابروا ولا تقاطعوا ، 
وكونوا عباد الله إخوانا } .
- النَّبِىَّ -صلى الله عليه وسلم- قَالَ « إِيَّاكُمْ وَالْحَسَدَ فَإِنَّ الْحَسَدَ يَأْكُلُ الْحَسَنَاتِ 
كَمَا تَأْكُلُ النَّارُ الْحَطَبَ »

* الحسود بيكره نعمه الله علي عباده ويعتقد ان الله ظالم في توزيع النعم . حاشاه سبحانه.
عشان كده وصف ربنا الحسد بالشر ( ومن شر حاسد اذا حسد )
ولذلك كثير من الناس لا يحكم على الاعراض التي عنده من خجل وغضب 
ووساوس وقولون وغيرها بأنها من العين لأنه يرى بأن الأمر عادي ولا يصل 
لمرحلة العين ...ناس كتييير ممكن تحسدك على ضحكتك أو شغلك أو أهلك أو 
صحابك أو صحتك.  فاذا كان الحسد مثلا موجها للشعر انقلب الشعر من غزير 
الى ضعيف متساقط ومن ناعم الملمس الى خشن الملمس .

- تلاقى واحد بيقول لواحد ايه يا عم العربية الحلوة دى وتلاقى هووووب الرجل 
وهو سايق العربية لبس فى عمود 

- تلاقى واحدة ريحة تبارك لواحدة صاحبتها أو قريبتها ف الصباحية تقوم تخش 
شقتها تفقعها العين المتينة فى جهازها 

س/ هل النمل والدود والصراصير والرائحة الكريهة في المنزل دون سبب معلوم 
هي من اعراض الحسد؟

النمل في المنازل نوعين 
نوع عادي ويكون في عدة اماكن في المنزل .
ونوع بسبب الحسد .
يتواجد في مكان واحد في أغلب الحالات . ويختفي بصرف العين وفي هذه الحالة 
لن يعود . وهذه أحدى العلامات القوية بوجود الحسد . في المنزل ولكن هناك 
علامات تتعاضد معها لنقول ان البيت محسود .. وهي تصدع بعض الجدران 
ولو كانت جديدة . او الأعطال المستمر في الأجهزة الكهربائية وتكرار ذلك ..
اذا تأكد من الحسد بالمنزل فيُقراء به سورة الملك + البقرة  + ويرش أركان 
المنزل والمداخل والمخارج .. تبدأ من الداخل للخارج وليس العكس .
-الحسد اغبي الرذائل اطلاقاً ، فانه لا يعود علي صاحبه بأية فائدة . الخاسد 
تشبع بالحقد تماما.

* بتتريقوا على اللى بيقول بنزل صورتى بقعد فى السرير إسبوع؟

- مصطفي حفناوي شاب رياضى و لسه فى بداية عمره افتتح كافيهات و 
بينزل صوره فجاه بدون اى مقدمات جلطه وشلل نصفى وهو قاعد بيضحك 
و بيهزر.بطلو تريقه على الناس وغل بقى شويه لو انتو مبتتحسدوش غيركم 
بيتحسد مش كل الاجسام زى بعض فى استقبال الحسد 
- الحسد موجود ومذكور مالكوش دعوه بحياة حد لو سمحتوا كل واحد ادرى 
بظروفه
وللمرة المليون احنا بنصور الجزء الحلو في حياتنا

"بنتصور واحنا بنضحك ، بس اكيد مش هنتصور واحنا بنعيط ، بنتصور لما 
بنسافر او ف مناسبة حلوة ، بس اكيد مش هنتصور واحنا ف عزا او ف مستشفي
او مناسبة مش حلوة ، مش دايما مبسوطين ومش دايما الحياة كلها ايجابية ، كل 
واحد واخد حاجة دافع قصادها تمن حاجة تانية ، مش دايما بنشوف المدفوع ، 
بلاش نحكم ع حياة حد من مجرد جانب واحد احنا شايفينه من حياته.
- حبوا الخيرلبعض ياجماعه كفايه حقد.

قبل حادثه مصطفي حفناوى كانت فيه حادثه تانية لبنت اسمها ليلي . 
 بلوجر ع اليوتيوب واي كان الى هي بتقدمه سواء بيعجبكم او لا دي حريه 
شخصيه دي حاجه بتاعتها هي مش موضوعي.. الموضوع دلوقتي ان ليلي  
كانت بتحضر لفرحها وكانت بتصور وتنزل كل تفصيله بتحصل معاها طبيعي
زي اي عروسه فرحانه . اللى مش طبيعي بقى ان دي واحده كانت ف كتب كتابها 
من اسبوع وبعد اسبوع وبعد ما صورت شقتها والناس قاعدت تتكلم عنها وعن كتب كتابها 
وعلي شقتها وكان في كميه حقد و حسد من الناس دي مش طبيعيه.. ليلي 
دخلت العنايه اه قضاء وقدر و كل حاجه بس دي مش صدفه. ويعتبر محدش 
يعرفها شخصيا هي مجرد حد معروف وبس . بقينا بنحقد و بنحسد حتي الناس 
الى منعرفهاش ولا انا ولا انت ولا انتي محدش فينا عارف ليلى ممكن تكون 
مرت بأيه ف حياتها وبسبب صبرها ربنا عوضها ف حاجه تانيه ... حبو الخير 
لبعض يا جماعه والله الدنيا اتفه من كدا بكتير وارضو بالحاجه الى معاكم علشان 
غيركم مش طايلها 

الحسد ( بيخرب . بيمرض . بيموت )

*فرح هنا الزاهد اللي بعده دخلت الرعايه المركزه
*طلاق ياسمين صبري بعد ما قعدت تقول شعر في جوزها علي الشاشه وتوصف 
حياتها الخاصه.
*طالب الثانويه العامه اللي مات فجأه بعد اعلان النتيجه ٩٩٪
وحوادث كتير غيرها..
ربنا يحفظ الجميع ويطهر قلوبنا..

 بسم الله الرحمن الرحيم
 قل اعوذ برب الفلق °من شر ما خلق °من شر غاسق اذا وقب °ومن شر النفاثات 
في العقد°ومن شر حاسد اذا حسد °

TAG

عن الكاتب :

ليست هناك تعليقات

إرسال تعليق

الاسم

بريد إلكتروني *

رسالة *